föstudagur, ágúst 05, 2005

Tíminn silast áfram.

Jæja þá er komið að loka partýinu, en það verður haldið í kvöld. Þetta nálgast allt saman, við erum báðir búnir að fara í næstum allar sprautur, Siggi á eina eftir og báðir eigum við eftir eitt glas af Kóleru drykknum sem bragðast ekkert of vel. En svona er þetta, tíminn líður á sínum ógnarjafna hraða og það er þessvegna lítið annað að gera en að skemmta sér svakalega vel með vinum og velunnurum í kvöld. Að hugsa sér að það séu aðeins 10 dagar í þetta, maginn tekur kippi við tilhugsunina.

Það má einnig minnast á rússana en þeir virðast vera afar erfiðir í öllu því sem tengist skrifræði og pappírs vinnu. Við erum loksins búnir að fá visa support letter frá St. Pétursborg en það er nauðsynlegt til þess að maður fái landvistareyfi. Siggi er búinn að senda fax fram og til baka á Hostel í borginni og á endanum náðist það. Ég fór svo áðan klukkan 11:50 niður á ræðismanna skrifstofu en var sendur aftur heim þar sem að tölvan þarna slekkur á sér nákvæmlega 12:00 og þessvegna var ekki hægt að taka við pappírunum, verðum að skutlast með þetta á mánudag og borga aukalega fyrir flýti meðferð. Þessir rússar, hvernig verður svo að díla við þá í Síberíu, ó hvað það verður gaman.

Skrifað klukkan 07:28 |

***